其實這幾年，我已經無數次承認自己無橋、過時、江郎才盡…
我老早就知道創意之神狠心同我絕交，記得上一次度過出嚟比較見得人嘅橋已經係三年前啦…
2018年一直都同自己講，2019年要有突破，誰不知2018年最後幾日真係突破左自己聽覺，從此變成「單耳人」…
24小時不停的雜音，那種煩擾程度，實在千載難逢！爽呀！我終於明白在「內容農場」讀過的文章，有耳鳴的人選擇自殺到底是什麼一回事…
花了五個月時間總算叫做適應了少許，但凡人哋講嘢我「吓」多幾聲，總會有人遷就。
其實「情緒病+耳鳴」真係無敵組合黎嘅！每分鐘感覺都好似「做人要考牌」咁，其實係幾崩潰㗎… 唔好話從旁人眼中我嘅情緒病理應順利進入康復期，就算我自己都感覺到係時候要好番架啦！怎料這段時間卻偏偏是我這十年來最辛苦的時間…
其實早已盟生去意，就算世界不淘汰我，我也想自我淘汰。有說「低處未算低」，但也有說「谷底反彈」… 一邊想離場，一邊又期望反彈，表示我內在的真我，還是那個我最熟悉的我，對人生充滿熱誠、積極上進的我。
然後呢…
終於在這幾天，我等到上面跌條新橋俾我啦！
感覺就似臨劈炮唔撈之前，老細再黎考考你！
你唔盡地一鋪，呢世都會俾人笑。
既然如此，我又好好用下我果個已經斷供嘅腦袋…
諗下諗下… 咦！好似又得得地喎…
既然得得地，咁就去馬啦！
我最後決定，大幹一場，然後榮休！
一邊辦事，一邊辦後事！
後事=移民
移民去他國還是天國，待定。
人生奇妙處處…
哈哈哈！😂😂😂👏👏👏
Search